ANG Ford Philippines midala sa iyang Driving Skills for Life (DSFL) program sa Cebu isip kabahin sa Global Caring Month nga gisaulog sa kompaniya kada Septiyembre.
Dili mominos 40 ka Cebu-based editors ug reporters ning-apil sa paglusad sa programa nga kabahin sa Cebu Press Freedom Week, Sept. 19-25.
Uban sa tema: “Safe Driving in the New Normal,” ang DSFL ning tuiga mohatag sa haum nga hisgotanan lakip sa pandemic car care ug maintenance tips, car sanitation and disinfection, ug driving techniques atol ning panahon sa tung-uwan.
Kini dugang pa sa DSFL training module nga naglangkob sa basic vehicle dynamics ug handling, driving ubos sa nagkalainlaing kondisyon, anti-distracted driving, ug fuel-efficient driving.
Ang DSFL sessions ning tuiga pagahimuon nga virtual aron pagtuman sa luwas ug panaglagyo aron paglikay sa pagtakod sa Covid-19.
Ang DSFL nibalik human kini nahunong sa 2020 tungod sa pagbuto sa Covid-19 pandemic.
“We are excited to bring the DSFL back this year as part of our Global Caring Month, bringing to life our long-standing advocacy on road safety on the digital platform,” matod ni EJ Francisco, AVP for Communications, Ford Philippines.
“This year, we are making the DSFL a more relevant training program for our participants by sharing the necessary driving habits and skills as they navigate the roads in the ‘new normal’,” dason niya.
Ang long-time partner ug training facilitator nga Tuason Racing School mohimo sa virtual DSFL program alang sa Ford Philippines ug mohatag sa interactive training session uiban sa daghang instructional videos, games, ug contests.
Ang radio personality nga si Sam YG ug beauty queen Michelle Dee mao ang Ford road safety ambassadors karong tuiga ug motabang sa pagpakaylap sa program sa digital space.
Ang DSFL malampuson sa pagbansay sa kapin sa 26,000 ka drivers sukad sa paglusad niini sa nasod.
Sulod sa katuigan, ang programa nahimo nga makahuluganon sa nagkausab sa kondisyon sa dalan,mga polisiya ug government regulations.
Sa 2019, kapin sa 3,300 ka public ug private drivers ang ning-apil sa DSFL.
Ang training program kanunay nga nakadawat og awards sa nasod. Nikuha kini og Gold award ubos sa Road Safety category sa 4th Driven to Serve Awards sa Society of Philippine Motoring Journalists (SPMJ) sa 2020.
Ang driving Skills for Life naestablisar sa United States niadtong 2003 sa Ford Motor Company Fund, ang U.S. Governors Highway Safety Association, ug panel sa safety experts, sa pagtudlo sa bag-ong nakakuha og lisensiya nga dunay igong kahibalo sa lwuas nga pagmaneho subay sa standard driver education programs.
Ang public ug private drivers makapa-register sa pagkuha og DSFL nga gikatlda karong Huwebes, Septiyembre 23, ala 1:30 sa hapon pinaagi sa dsflph.com.
Ang registration motapos karon, Septiyembre 21, sa alas 5:00 sa hapon ug ang slots nga ihatag gipaagi sa first-come, first-served basis.
Ang unang 100 ka registrants kontakon pinaagi sa e-mail o mobile number ug padad-an og Zoom link alang sa virtual session. (PR)