SUPERBALITA DAVAO

Granada giitsa sa atop kasilyas tunghaan

Pinaambit ni Sheila Dela Cruz

GIPABUTO na lang sa mga awtoridad ang granada nga nakaplagan sa mga tinun-an sa atop sa kasilyas sa eskuwelahan alas 3:25 sa hapon, Dominggo, Septiyembre 19, 2021, sa Dakbayan sa Cotabato.

Matud ni Cotabato City Police Office Director Colonel Rommel Javier nga usa ka nagpakabana nga molupyo ang mitawag sa Police Precinct 1 may kabahin sa granada nga nakaplagan sa atop sa kasilyas sa Rojas National High School (RNHS).

Nasayran nga nagdula-dula ang mga kabatan-onan sa diha nga ilang nasiplatan ang granada sa atop sa kasilyas sa RNHS.

Abtik nga gipahibalo sa mga batan-on ang sekyu sa tulunghaan nga maoy nagtaho ngadto sa mga awtoridad.

Luwas nga nakuha ang granada sa mga nagresponde nga mga pulis ug uban pang sakop sa Explosive Ordnance Disposal Team sa Philippine Army.

Tungod wala nay safety pin ang eksplosibo, gipabuto na lamang kini sa r Explosive Ordnance Disposal sa bakante nga lote sa eskuwelahan.

Daghan ang nagtuo nga posibleng gilabay ang granada sa wala mailhing mga suspek sa RNHS apan suwerte nga wala makabuto.

Gisubay pa sa mga pulis ang hitabo aron nga mailhan ang mga suspek nga naglabay sa maong granada. (Edgar E. Fuerzas)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph