SUPERBALITA CEBU

Editoryal: Itugyan kang Rama

Editorial art by Ariel Itumay



MI-FILE na sab og medical leave si Mayor Edgar Labella gikan sa Septiyembre 20 ngadto sa Oktubre 3, 2021 aron adto magpatambal sa Manila. Si Bise Mayor Michael Rama mao na usab ang acting mayor.

Nagsunodsunod na ang leave ni Labella ning nakalabay nga mga buwan tungod sa iyang sakit. Niadto diayng tunga-tunga sa tuig naka mild stroke ang mayor hinungdan nga siya naospital. Dihay buwan nga niabot sa punto nga gihungihong nga namatay ang mayor, apan wa moisyu og pamahayag ang pamilya hangtod nga duna nay pressure sa publiko.

Nakuhaan og hulagway ang mayor nga nagbasa og mantalaan, apan wa gihapon matagbaw ang publiko. Dunay mga nagduda nga gi-edit ang hulagway samtang dunay niingon nga lain ang nagkupot sa mantalaan. Mas maayo kuno kon video ang gibutang kay mas katuohan pa.

Diha pay hulagway nga ang mayor nihapit sa gawas sa city hall nga siya naa sulod sa sakyanan.

Apan bisan unsaon pa, di mamakak ang mga hulagway. Dako kaayo og kausaban ang bayhon sa mayor itandi sa sayo ning tuiga ug sa mas bag-o niyang mga hulagway. Maklaro nga di maayo ang panglawas sa mayor.

Ning kahimtang niya karon, mas makaayo kang Labella ang paghatag na lang sa ryenda ngadto sa iyang bise mayor. Di lalim ang trabaho sa mayor busa duna usab kini di maayong epekto sa iyang panglawas. Ang usa sa labing dako nga trigger sa mga sakit mao ang stress.

Pipila na man lang ka mga buwan ang nahabilin sa iyang termino. Iya nang nahatagan sa maayong serbisyo ang mga taga Dakbayan sa Sugbo nga sa unang higayon, naigo sa pandemic.

Nasugdan na sab ang paghuman sa Cebu City Medical Center (CCMC).

Naa man si Rama nga iyang kaalyado busa, di na siya angay pang mabalaka. Ang angay niyang buhaton mao ang pagtutok sa pagpaalim samtang ang tanang problema sa pagdumala sa Siyudad adto ni Rama.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!