SUPERBALITA CEBU

P12.9M nga shabu nasakmit sa kapulisan sa 2 ka buy-busts

P12.9M nga shabu nasakmit sa kapulisan sa 2 ka buy-busts (Hulagway ni Alan Tangcawan)

NADAKPAN sa kapulisan ang usa ka kanhi construction worker sa buy-bust sa Provincial Intelligence Unit ug Philippine Drug Enforcement Unit sa sityo Sawsawan, Barangay San Roque, Dakbayan sa Talisay sa Martes sa kaadlawon, Septiyembre 21, 2021.

Ang suspek nga niangkon nga usa lang ka shabu runner mao si Kevin Aviles, 26, nagpuyo sa nahisgutang dapit.

Nakuha gikan kang Aviles ang 900 gramos nga shabu nga balor og P6.1 million.

Matod ni Aviles nga ang shabu iyang kuhaon gikan sa sityo Kantipla, Barangay Tabunan, Dakbayan sa Sugbo, apan wa siya makaila kinsa ang tigpahatod kaniya.

Sa interbyu sa Superbalita Cebu, matod niya nga ikaduha pa kadto niya nga paghatod.

Wa siya masayod diin gikan ang shabu.

Samtang sa laing operasyon sa kapulisan sa Cebu City Police Office sa Barangay Duljo, Dakbayan sa Sugbo, usa ka manindahay og isda sa Barangay Pasil, Dakbayan sa Sugbo nakuhaan og usa ka kilo nga shabu sa Lunes sa gabii, Septiyembre 20, 2021.

Si Benjie Lupian, 42, taga Belgium St., Barangay Suba, niangkon nga tulo ka buwan nang tighatod og shabu ug igo ra siyang suhulan og P5,000 kada transaksyon.

Ang manugo kaniya iyang giingong “naa sa sulod” kun Cebu City Jail.

Niangkon usab siyang user sa shabu. Matod niya nga di paigo ang iyang kita sa pagpaninda og isda mao nga nisulod siya sa pagka ‘runner’ sa shabu.

Ang nakuha sa Mambaling Police Station nga shabu gikan kang Lupian nagbalor og P6.8 million. (AT)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph