‘Fighting President’

GIPADAYAG ni Hall of Fame boxing trainer Freddie Roach nga ihatag niya ang iyang kinatibuk-ang suporta sa paglansar sa iyang labing paboritong estudyante nga si Manny Pacquiao isip presidente sa Pilipinas sa eleksyon karong Mayo 9, 2022.

Ning bag-uhay lang, gianunsyo ni Pacquiao nga pormal na niyang gidawat ang nominasyon sa PDP-Laban aron mahimong presidential candidate sa partido.

Pinaagi sa iyang Twitter account, gipadayag ni Roach ang iyang kahinam nga mahimong presidente sa nasod ang 8-division world champion. Mapasigarbuon si Roach nga nahimo siyang trainer ni Pacquiao.

“All the best to you, Manny -- truly the Fighting Pride of the Philippines and The People’s Champ,” tweet sa seven-time Trainer of the Year, kinsa maoy nakabaid og insakto sa abilidad sa fighting senator, nga napatik sa boxingscene.com.

Nagtuo si Roach nga bisan modaog si Pacquiao sa eleksyon, puwede pa kining mopadayon sa pag-away.

“Apparently, Manny could sign a waiver and still fight,” dugang ni Roach.

“In the future, you might not see Manny Pacquiao again to fight in the ring. I don’t know. But for how many decades, I’m so happy for what I’ve done in boxing.”(ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph