SUPERBALITA CEBU

Gaisano Cyclothon mohatag og P500,000 sa finishers

■ CYCLOTHON: Ang organizers, coaches, trainers/instructors atol sa press conference sa Gaisano Country Mall 28th Anniversary Virtual Cyclothon. / Tampo

GIPAABOT nga mas modaghan pa karong tuiga ang mosalmot sa Gaisano Country Mall 28th Anniversary Virtual Cyclothon nga gikatakda karong Oktubre 23 ngadto sa Nobiyembre 7, 2021.

Kini gumikan kay ning higayuna, ang management sa Gaisano Country Mall nakahukom nga mogahin ug mopagawas og gift certificates nga moabot ngadto sa P500,000 ang kantidad alang sa mga mosalmot ug makahuman sa ilang tagsatagsa ka mga rota.

“The previous races wala gyud ta’y premyo sa una. Igo ra gyud to siya to promote mental health and as well as to sustain our jobs here diri sa Lapu-Lapu nga mga mananahi. So karon, in celebration sa anniversary ni Gaisano manghatag man ni siya og papremyo, mga pa raffles so over P500,000 ni iyahang panghatag nga grocery items,” matod sa mga tigpasugda sa maong kalihukan nga si Theresa Mae Conson.

Sa interview sa Sports Ta Bai sports program sa Radyo One Cebu 90.1 FM niadtong Dominggo, Septiyembre 20, 2021, si Conson mipasabot nga ang mga mosalmot nga gawas sa Cebu island anaa usab sila’y vouchers sa Lazada ug Shoppie nga madawat.

“So mao ning nakanindot karon sa virtual cyclothon nato kay nationwide ni siya unya on top of that naa ni siyay gift certificate nga ang pinakadako siguro mao ang 300 kilometer nga ang iyang premyo is worth P10,000 from Gaisano Country Mall plus trophies and medals,” dugang ni Conson.

Ang mga partisipante sa kalihukan, nga giorganisar sa ActiveHub ug giayudahan sa Smarties Apparel, gibahin sa tulo ka mga kategoriya nga mao ang fun ride, advanced ug elite.

Ang Fun Ride category motadlas sa 30 kilometros nga gilay-on, 100 ka kilometros sa Advance samtang 300 kilometros sa Elite category.

Hatagan og discount sa ilang registration fee ang mga partisipante nga nabakunahan na. Mahuman ang pagpangrehistro karong Oktubre 20, 2021.

Alang sa dugang pakisayod, mahimong mobisita sa info@activehub.online o mokontak sa 09176517637. (JBM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph