SUPERBALITA DAVAO

Armas gisurender sa barangay kapitan

Hulagway gikan sa Datu Montawal Municipal Police Station

COTABATO CITY -- Walay lisensiyang armas ang gisurender sa barangay kapitan ngadto sa kapulisan alas 2:00 sa hapon, Lunes, didto sa Datu Montawal, Maguindanao Province.

Gitahan mismo ni Barangay Bulit Chairman Ali Toto Simbuangan ngadto kang Datu Montawal Chief of Police Lieutenant Nurjhasier Sali ang homemade M79 grenade launcher nga walay serial number ug walay bala.

Matud ni Simbuangan nga gisurender ngadto kaniya sa usa ka alyas Roldan nga molupyo sa Barangay Bulit sa nahisgutang lungsod ang nahisgutang armas o loose firearm.

Una nang nanawagan si Mayor Datu Ohto Montawal sa mga molupyo sa lungsod o mga grupo nga dunay loose firearms nga isurender na kini ngadto sa mga awtoridad.

Ang gipalapdan nga kampanya batok sa mga loose firearms sa lungsod mao ang hiniusang pagtinabangay sa lokal nga panggamhanan, barangay, kapulisan ug militar.

Sa gipahigayon nga Municipal Peace and Order Council Meeting, gikompirma sa militar ug kapulisan nga miubos na ang krimen sa Datu Montawal, hinungdan nga nakatutok karon ang panggamhanan sa lungsod sa Covid-19 ug ang pagtabang sa mga lugar nga giigo sa mga pagbaha. (Edgar E. Fuerzas)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph