BANAYBANAY, Davao Oriental -- Sikop ang usa ka lalaki kinsa maoy gitudlong suspek sa paglugos sa 12-anyos nga dalagita sa Barangay Mogbongcogon niadtong Dominggo, Septyembre 19, 2021.
Giila sa Banaybanay Municipal Police Station (MPS) ang suspek nga si Ramil (bansagon gitago) alyas Bruno, 38-anyos.
Sa report sa Banaybanay MPS, unang nakaresponde sa area ang mga sakop sa Revitalized Pulis sa Barangay (R-PSB) human nga nakadawat sila og sumbong sa maong hitabo.
Nasayran nga gisulod sa suspek ang biktima samtang natulog sa kuwarto, dayong gipanamastamasan apan daling nakapangayo og tabang ang dalagita.
Anaa na sa kustodiya sa Banaybanay MPS ang suspek kinsa mag-atubang og kasong pagsupak sa Republic Act 8353 in relation to Republic Act 7610.