SUPERBALITA CEBU

Diputado: Kurakot nga mayor, gobernador

Cuentas Claras



NAGKADUOL na ang pag-file sa certificate of candidacy (COC) alang sa piniliay sunod tuig, nagkaanam pud pagkabibo ang dagan sa atong mga lokal nga pangagamhanan.

Daghan na karon ang kusog mo-smile. Maayo na motagad. Makigsulti na. Taas na og sinultian. Murag interesado na sa imong kinabuhi ug sa mga sakop sa imong pamilya.

Kadtong mga saputon nga mga opisyal, pirmi na lang pahiyom karon. Kadtong kusog mangasaba, molikay na. Pirmi na lang “in the mood.” Maayo na kaayo og tinagdan sa mga sakop sa opisina, kusog na mogasto og para sa pagkaon. Kadtong mga tihik mogasto sa una, dali na kaayo mokuot sa pitaka karon aron igasto alang sa mga tawo nga di gani suod.

Plastikan man tuod kini pero nindot sab palandongon. Tiaw bay sa tulo ka tuig, kausa ra kini nila himoa, panahon lang sa pangampanya.

Mao kini gitawag og paglaom, bisan kinsa adunay paglaom nga mausab. Mausab nga ma-plastik ug kusog na mo-atik o mamutbot.

Duha na ka mga senador ang ningdeklarar nga magpapili pagka presidente. Sila si Senador Ping Lacson ug Sen. Manny Pacquiao.

Kini silang duha nagtuo nga aduna silay katakos nga mangamahan sa tibuok nasod alang sa laing 6 ka tuig nga pangatungdanan. Kini silang duha adunay mga tig-ataki ug tigpanalipod.

Silang duha nagtuo nga ang ilang pagkandidato makaayo sa katawhang pilipinhon og angayan lang nga suportahan sila sa katawhan.

Gawas kanila, nagtuo ako nga adunay mga kandidato nga gusto sab mamahimong presidente sa Pilipinas.

Sa pagkakaron, di pa mahibaw-an kon modayon ba gyod ni sila sa ilang paglansad sanglit mahibaw-an lang kini kon moabot na ang panahon sa pag-file sa COC. Nindot kon daghan ang molansad aron daghan ang kapilian sa katawhan.

Adunay mayor nga gusto molansad pagka kongresista. Gusto niya atbangan ang kasamtangan nga kongresista nga anaa na pud sa iyang last term. Buyno, katungod sa mayor ang paglansad.

Nasayod ang maong mayor nga nagkinahanglan siya og dakong kantidad alang sa iyang kampanya. Nangayo siya og tabang sa gobernador ug tuod man, misaad ang gobernador nga motabang. Unsa nga klase sa tabang?

Kadtong mga contractor nga gusto mokuha sa quarry permit moagi gyod sa mayor. Adunay runner nga mangolekta sa mga contractor sa pasalig nga ma-approve ang ilang permit pinaagi sa maong mayor.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph