Dear Papa joe,
Angay ba diay mi apilon mga anak? Tagua lang ko sa ngalan nga Jenny, taga T.Padilla, Cebu City, 25 years old na ang panuigon.
Kini akong suliran kabahin ni sa among silingan na hasta kami mga anak gidumtan. Ang ako man gud nga amahan nagkakabit sa asawa sa among silingan. Butang nga wa sa among kontrol kay nagtaban man sila si Papa ug ang kapuyo sa among silingan.Ggibilin mi sa akong maguwang nga duha kabuok ug ang akong mama.
Kada agi namo sa ilaha kay pangitaan mi og bikil. Siyagit siyagitan ug hagdon pa og sukmagay akong kuya. Iyang ipanabi nga wa miy ayo nga pamilya ug ang nakapait medyo modapig ang ubang mga silingan ug moingon nga maayo pa mamahawa mi kay di man sad mi pure taga diri.
Unsa may buhaton namo ani? Mamahawa na lang ba mi ani? Palihug tambagi ko.
JENNY
Jenny,
Kon di mo gusto og samok ug pwede ra ninyo buhaton, yes, maayo pa mamalhin mo kay sa mag-antos mo diha. Pero kon kamao mo mo fight back, mao nay giingon nga sukol sa legal nga paagi. Ipa barangay na sila ug ipatawag na sila kay kanang panaot di na maayo.
Kon sala sa imong papa, wa moy labot ana kay di na batasan nga inyong sundon. Mao ra na akong ikasulti nimo, pagpili sa duha.
PAPA JOE
(sa inyong tampo ipadala lang sa papajoesuperb@ gmail.com)