SECTIONS
Superbalita Cebu
Wednesday, October 20, 2021
SUPERBALITA CEBU

Langay ang imbestigasyon sa pagpatay ni Fernandez

TUNGOD kay wa pay matumbok nga suspek, gipahinayan una ang imbestigasyon sa pagkamatay ni Atty. Rex Fernandez, matod sa Integrated Bar of the Philippines (IBP) Cebu City Chapter.

Si Fernandez gi-ambush sa wala pa mailhing gunman sa Banawa, Guadalupe, Cebu City niadtong Agusto 26, 2021. Nasamdam sab ang iyang driver.

Si Regal Oliva, presidente sa IBP Cebu City Chapter, niingon nga bisan kon niminor ang imbestigasyon sa kamatayon ni Fernandez, nakasabot ra sab sila nga dili sayon ang pagpangita og lead sa suspek.

Gani, sigon ni Oliva nga dili pa sab nila matumbok kon kinsa ang mastermind niini, walay witness sa pagpusil ug wala sab kini lead nga mamahimong subayon alang sa imbestigasyon dili susama sa miaging mga ambush sa mga abogado.

Dugang sab niya nga tungod kay nag mask ang namusil ni Fernandez, dili pa gihapon nila madali dali og ila ang gunman.

Gani, sigon ni Oliva nga dili sila dapat masayop og tudlo kon kinsa ang gunman gamit lang ang graphic sketch nga gipagawas sa pulis.

Gawas niini, nakiglambigit na sab si Burt Estrada, presidente sa National Board sa IBP, ngadto kang Oliva aron mapaspasan ang imbestigayon ug aron ma-pressure ang imbestigasyon.

Nangindahay si Oliva nga masulbad na sa awtoridad ang di makatarunganon nga pagpatay ni Fernandez.

Sa laing bahin, matod ni Oliva nga wala pa siyay nadunggan gikan sa pamilya ni Fernandez.

Gani wala pa kini nangayo og bisan unsa nga tabang gikan sa ilang organisasyon.

Sigon ni Oliva nga andam sila nga moalagad sa bisan unsang tabang nga ihangyo sa pamilya ni Fernandez o sa uban nga pary tungod kay dili lang sila eksklusibo sa prosecution o defense.

Gusto sila nga neutral sila bisan kon gusto nila nga makab-ot ang hustisya. (KFD)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!