Davide ngadto sa publiko: ayaw pamili og vaxx brand

GIAWHAG ni Bise Gobernador Hilario Davide III ang tanan nga mga Sugboanon sa probinsya sa Sugbo nga magpabakuna na kontra Covid-19.

Kini ang paagi nga makab-ot ang herd immunity ug ma protehian sa grabeng epekto sa sakit nga grabe ka mananakod.

Pasabot ni Davide nga base sa taho sa mga nangamatay sa Covid-19 mao kadtong wala mabakunahi ug sagad giisip nga severe cases.

“I’d like to encourage kaning mga tawo nga wala pa magpabakuna, pabakuna ta. Look, bisan tinuod na nga walay garantiya nga dili ka mataptan og Covid, at least naa kay protection. Sa ako na nga nabasahan, nadunggan sa news gyud ang kadaghanan sa mga nangamatay unvaccinated and mga severe cases. So, I hope nga ang atong mga Sugboanon nga magpabakuna,” matod ni Davide.

Dugang ni Davide nga bisan sa padayon nga kampanya sa kagamhanan aron maprotehian sa sakit ang mga tawo, anaa gihapo’y mga himilian og brand sa bakuna.

“Ayaw na mo pagpili og brand kong unsa. Sa Asturias nakabasa ko nga na problema si Mayor Anto Pintor tawon kay daghan silag supply sa bkuna pero ang mga tawo didto mamili man kuno,”matod ni Davide.

Si Davide una na nga nabakunahan kontra Covid-19.

Base sa uwahing datos sa Visayas Vaccination Operations Center (VVOC) sa Septiyembre 20, 2021, moabot sa 370, 200 na ang nabakunahan sa unang dose samtang 288, 711 ang nakakompleto na sa second dose.

Daghan sa mga local government unit (LGU) ang naproblema tungod sa kahinay sa mga pagpamakuna kay gamay ra ang magpatusok.

Tungod niini, ang mga LGU nag-iyahay sa pagpugna og mga pakulo aron pagdani sa ilang mga konstituente.

Nabalak-an sa mga eksperto nga di makab-ot ang herd immunity sa di pa matapos ang tuig o sa sayo nga bahin sa 2022.

Daghan sa mga lumolupyo mas mituo sa mga fake news sama sa mahimong zombie ang taw nga mabakunahan ug uban pa. (ANV)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph