2.5M doses sa Pfizer nangabot; Cebu bahinan

■ PFIZER: Tipik sa 2.5 milyunes nga doses sa Pfizer nga nangabot sa nasod niadtong Septiyembre 19-20, 2021. / National Task Force Against Covid-19
■ PFIZER: Tipik sa 2.5 milyunes nga doses sa Pfizer nga nangabot sa nasod niadtong Septiyembre 19-20, 2021. / National Task Force Against Covid-19

ANG kagamhanan sa Pilipinas nakadawat niadtong Lunes sa gabii, Septiyembre 20, 2021 og dugang 561,600 ka doses sa Pfizer-BioNTech coronavirus disease 2019 (Covid-19) vaccines gikan sa Estados Unidos.

Niadtong Dominggo, Septiyembre 19, mokabat sa 2,020,590 ka doses sa Pfizer vaccine ang niabot sa nasod. Ang mga bakuna gidonar sa Estados Unidos pinaagi sa World Health Organization (WHO)-led Covax facility.

“I’m really proud that we donated for the last two days more than two million doses that will give more than a million Filipinos full vaccination,” matod ni US Embassy Chargé d’Affaires Heather Variava.

Si Variava nipadangat sa usab sa pasalamat ngadto sa kagamhanan sa Pilipinas, WHO ug Unicef alang sa padayong pagpakigtambayayong, nga “helping to save lives and overcome the pandemic.”

Sa Septiyembre 21, ang Pilipinas nakadawat na og kinatibuk-ang 16 milyunes nga Covid-19 vaccines doses gikan sa Covax.

Matod ni National Task Force (NTF) Against Covid-19 special adviser Dr. Teodoro Herbosa nga kadaghanan sa doses niini ipadala sa Calabarzon, Central Luzon, Cebu ug Davao.

“We continue to catch up in those areas where we only have about three percent to five percent fully vaccinated [individuals]. So hinahabol talaga natin ‘yung outside NCR,” matod ni Herbosa.

Ang labing uwahi nga batch sa Pfizer vaccines daling gibiyahe ngadto sa Pharmaserve cold storage facility sa Marikina City.

Gawas sa gidonar nga bakuna, mokabat sa 3,935,880 ka Pfizer doses nga gi-deliver nganhi sa Pilipinas isip tipik sa 40 million ka doses nga napalit sa nasod gikan sa American pharmaceutical firm.

Matod sa NTF nga sa pagka Septiyembre 20, kinatibuk-ang 64,942,000 Covid-19 vaccine doses gikan sa nagkadaiyang mga tiggama ang nangabot sa nasod.(REV, PR)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph