Nabakunahan nga nagpositibo sa Covid-19 anaa na sa 4,549

MISAKA ngadto sa 4,549 ang ihap sa mga indibidwal nga nabakunahan batok Covid-19 nga nagpositibo sa virus sa Dakbayan sa Cagayan de Oro.

Matud sa City Health Office, sa maong 4,549, 2,832 niini ang mga nabakunahan sa Sinovac vaccine; 857 ang nabakunahan sa AstraZeneca; 301 ang nabakunahan sa Pfizer; 271 ang nabakunahan sa Sputnik V; 268 ang nabakunahan sa Janssen; lima ang nabakunahan sa Sinopharm; ug 15 ang nabakunahan sa Moderna.

Sa 2,832 nga Sinovac vaccinees, 2,240 ang nakasinati og mild nga sintomas; 411 ang asymptomatic; 174 ang nakasinati og moderate nga sintomas; ug pito ang severe nga kaso.

Sa 857 nga AstraZeneca vaccinees, 643 ang nakasinati og mild nga sintomas; 158 ang asymptomatic; 52 ang nakasinati og moderate nga sintomas; ug upat ang mga severe nga kaso.

Sa 301 nga Pfizer vaccinees, 219 ang nakasinati of mild nga sintomas; 72 ang mga asymptomatic; ug 10 ang nakasinati og moderate nga sintomas.

Sa 271 nga Sputnik V vaccinees, 219 ang nakasinati og mild nga sintomas; 34 ang mga asymptomatic; ug 18 ang mga nakasinati og moderate nga sintomas.

Sa 268 nga Janssen vaccinees, 199 ang mga indibidwal nga nakasinati og mild nga sintomas; 43 ang mga asymptomatic; ug 26 ang mga nakasinati og moderate nga sintomas.

Sa lima nga Sinopharm vaccinees, tulo ka mga indibidwal ang nakasinati og mild nga sintomas; usa ang asymptomatic; ug usa ang nakasinati og moderate nga sintomas.

Ug sa 15 nga Moderna vaccinees, lima ang asymptomatic, siyam ang mga indibidwal nga nakasinati og mild nga sintomas, ug usa ang nakasinati og moderate nga sintomas.

Sa kasamtangan, sa 4,549 ka positibo nga vaccinees, 2,707 ka mga indibidwal ang fully vaccinated.