ANAA na sa 19,099 ang kinatibuk-ang ihap sa mga kaso sa coronavirus disease 2019 (Covid-19) sa Cagayan de Oro human nakatala kini og dugang 45 ka mga kaso, usa niini returning overseas Filipino worker (ROF) ug 44 ang mga local transmissions.
Sa 44 ka mga bag-ong lokal nga mga kaso, 26 ang mga local index nga mga kaso, 10 ang mga close contacts sa mga pasyenteng nagpositibo sa Covid-19, duha ang mga local authorized persons outside residence (Apors), ug tulo ang mga Apors with link.
Gawas ini, nakatala sab ang syudad og tulo ka mga kumpirmadong patay.
Niubos usab ang ihap sa mga aktibo nga kaso sa syudad nga niabot na sa 3,843.
Sa maong numero, 954 niini na-admit sa Northern Mindanao Medical Center ug uban pang mga ospital sa syudad, 2,873 ang mga outpatient, ug 16 ang mga ROFs/LSIs.
Aduna sab 62 ka dugang recoveries ang natala hinungdan nga niabot na sa 14,441 ang kinatubuk-ang ihap sa mga nakarekober nga pasyente.
Samtang, anaa na sa 815 ang kumpirmadong patay tungod sa Covid.