DAKO ang kalipay sa 230 ka mga indibiduwal kinsa kanhi mga sakop sa New People's Army (NPA) kay nakadawat sila og tag P20,000 pinaagi sa Sustainable Livelihood Program (SLP) sa Department of Social Welfare and Development (DSWD) Davao Region.
Ang mga benepisyaryo nga kanhi sakop sa NPA gikan sa mga probinsiya sa Davao del Norte, Davao de Oro ug Davao Oriental kinsa nakadawat ug nahatagan sab sila og dugang tag P3,000 matag usa alang sa transportation ug food assistance.
Nasayran nga mokabat tanan sa P4.6M ang ayuda nga nahatag sa DSWD 11.
Tumong sa SLP nga tabangan ang mga indibidUwal nga anaa sa vulnerable, marginalized ug disadvantage sektor alang sa ilang panginabuhian labi na sa panahon sa pandemya nga hatud sa Covid-19. (Jeepy P. Compio)