GARBO sa mga residente sa Marilog District sa Davao City ug sa mga kasikbit nga barangay niini nga kaya nga maserbisyohan sa Marilog District Hospital ang mga pasyente, diin di na kini kinahanglan pa nga dalhon sa sentro nga bahin ning siyudad.
Sa report, makaya sa maong ospital subay sa kapasidad niini ang mga pasyente nga di na angay dalhon sa Southern Philippines Medical Center (SPMC). Ilang gipaklaro nga kon seryuso na ang pasyente sa gihambin niini, mag-request na sila nga dalhon ang pasyente sa dagkong mga ospital.
Ang mga balatian nga puwede ma-cater sa Marilog District Hospital mao ang minor surgeries, Obstetrics, Gynecology services, Ears, Nose, Throat cases, dental services, out-patient ug 24-oras nga abli ang maong ospital.
Ang Marilog District Hospital PhilHealth-accredited nga adunay license to operate gikan sa Department of Health. Ang ospital aduna puy animal bite center, parmasya ug ang Lingap office.
Samtang ang Botika ng Bayan ginahan-ay na sab aron nga paga-ablihan. (Jeepy P. Compio)