DAKONG tabang na unya ang usa ka 40-feet container van nga gidonar sa usa ka negusyante ngadto sa Southern Philippines Medical Center (SPMC).
Ang nasampit nga container van gipanag-iyahan sa usa ka Ricardo Santiago Sr., kinsa mihatag niini niadtong Dominggo, Septyembre 19, 2021.
Kini pagagamiton isip storage facility sa mga indibiduwal nga namatay tungod sa Covid-19, samtang nagpaabot alang sa schedule sa cremation.
Gihatag kini pinaagi sa Davao City Government Lingap Para sa Mahirap Team ug sa Management of Dead Cluster sa Davao City Covid Response team.
Usa kini ka airconditioned nga container van nga mamahimong kabutangan sa 108 ka mga patay’ng lawas sa tawo.
Andam na kini nga magamit luyo sa pagtaas sa mga nangamatay sa Covid-19 sa SPMC.