DUL-AN sa 8,000 ka coronavirus disease (Covid-19) test kits balor og P550 million ug gipalit sa Procurement Service sa Department of Budget and management (DBM) gikan sa kontrobersyal ngba Pharmally Pharmaceuticals Inc. nausik kay ni-expire.
Sa pagpadayon sa pakisusi sa Senado sa iregularidad sa paggamit sa pundo sa Covid-19 funds sa Department of Health (DOH),
si Health Assistant Secretary Nestor Santiago nikompirmar nga 7,925 ka BGI real-time Fluorescent RT-PCR test kits nga magamit unta alang sa 371,794 ka tests ang ni-expire.
Ang pag-angkon ni Santiago nahitabo human si Senador Francis Pangilinan nibutyag sa usa ka suwat nga gipadala sa health assistant secretary ngadto kang kanhi PS chief Christopher Lloyd Lao sa Disyembre 7, 2020, nga nangutana sa kalangay sa pag-deliver sa dugang test kits “because the test kits that were delivered expired” ug nga ang DOH duna pay igong supply, nga hayan molanat pa hangtod sa Marso 2021 base sa bana-bana.
Si Santiago nihatag og kopya kang Pharmally treasurer Mohit Dargani sa suwat.
“And in the middle of a situation where we were not testing enough...para tayong nagsusunog ng pera sa gitna nga napakaraming namamatay,” nagkanayon si Pangilinan. (SunStar Philippines)