USA nalang ka barangay sa Dakbayan sa Sugbo kansang gidaghanon sa mga kaso sa coronavirus disease 2019 (Covid-19) nsa pa sa three digits sa miaging 10 ka adlaw sa dakbayan sa Sugbo.
Hinuon padayong nikunhod ang gidaghanon sa mga nataptan sa Covid-19 sa Septiyembre itandi sa Agusto dihang kalit nga nisulbong ang gidaghanon sa mga nangasakit ug ang gidaghanon sa mga nakalas nga kinabuhi.
Sa pagkakaron, ang Barangay Guadalupe, labing dako nga barangay sa Cebu City, adunay 154 ka aktibong mga kaso apan ubos kaayo kini itandi sa Agusto kay nilapas sila sa 300 ka active cases.
Ang nagsunod sa Guadalupe mao ang Lahug ug Talamban nga adunay tag 46 ka active cases. Ang Apas adunay 41 ug 33 sa Barangay Kasambagan nga nilangkob sa lima ka barangays nga dunay labing daghang gi-Covid.
Sa kinatibuk-an, ang Cebu City adunay 1,107 ka actives cases sa miaging 10 ka adlaw nga kasamtangang nagpaalim sa mga barangay isolation centers, hotels ug hospital.
Ang critical utilization rate sa 11 ka mga private hospitals sa Cebu City nitibugsok na usab ngadto sa 41.6 porsyento gikan sa kapin 70 porsyento nga occupancy rate labi na sa gusto samtang 52.7% ang occupancy rate sa upat ka public hospital sa dakbayan o 46.4% occupancy rate sa 15 ka ospital.(PAC)