SUPERBALITA CEBU

150 ka paresan sa mass wedding sa Cebu city

BISAN ang pandemya, wala makapugong sa kainit sa paghinigugmaay ang 150 ka paresan nga ning-apil sa mass wedding sa Cebu Metropolitan Cathedral ubos sa pagpasiugda sa Cebu City Government.

Apan ang 150 ka mga paresan wala gidungan og kasal aron pagsunod sa safety ug health protocol nga gipatuman sa Inter Agency Task Force (IATF) batok sa coronavirus disease 2019 (Covid-19) sanglit ubos pa sa general community quarantine (GCQ) ang dakbayan.

Si City Councilor NiƱa Mabatid, chairman sa committee on women and family affairs sa City Council, niingon nga gibahin sa upat ka mass weddings ang 150 ka paresan.

Giuna og kasal ang 31 ka couple kagahapon, Septiyembre 21 samtang ang nahabilin karong Septiyembre 23, 27 ug 30 nga ipahigayon gihapon sa Cathedral.

Sa kadaghan sa gikasal, upat ka mga pari ang nikasal sa 32 ka paresan nga gipangulohan ni Msgr. Camelo Alia, Msgr. Raul Go, Fr. Glenn Guanzon ug Fr. Isias Gerale.

Gawas sa libreng kasal, libre usab ang ilang wedding ring nga gikan sa Diagold ug ang labing mahinungdanon sa reception nga mao ang tibuok inasal nga baboy.

Nahimong mga ninong ug ninang sa kasal mao ang mga opisyal sa dakbayan nga gipangulohan ni Mayor Edgardo Labella ug Acting Mayor Michael Rama kinsa wala makatambong sa seremonya.

Apan diha ang presensya nilang Konsehal Raymond Garcia, Konsehal Dondon Hontiveros, Konsehal Jerry Guardo, Mabatid ug ni-representar ni Mayor Labella mao ang iyang anak nga si Jaypee Labella.

Human sa kasal, ang bag-ong managtiayon nisakay sa duha ka bag-ong mga bus sa City Government.

Sila gidala sa Fort San Pedro sa Plaza Independencia aron kuhaon ang ilang mga regalo nga gilangkuban sa litson baboy, usa ka sakong bugas ug cake nga gikan sa Cebu City Government. (PAC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph