SUPERBALITA CEBU

Mananaug sa 'Gulayan sa Barangay' sa DSWD 7

Barangay Poblacion Garden, Samboan, Cebu

GIBUTYAG sa Department of Social Welfare and Development (DSWD) 7 ang mananaug sa rehiyon sa “Gulayan sa Barangay” pinaagi sa Pantawid Pamilyang Pilipino Program (4Ps).

Upat ka mga mananaug sa Central Visayas (CV) sa lalawigan sa Bohol, Cebu, Negros Oriental, ug Siquijor.

Atol sa duha ka semana sa Agosto 2021, ang matag Pantawid Provincial Operations Office, uban sa pag-abag sa National Government Agencies (NGAs), Provincial Agriculture Office, ug Civil Society Organizations (CSOs), ninghimo sa field validation sa finalists sa Bohol, Siquijor, ug Negros Oriental.

Samtang, desk validation sa Sugbo tungod sa modified enhanced community quarantine (MECQ) status sa maong panahon.

Ang finalists gigradohan base sa mosunod nga criteria: organic culture, production uban sa variety sa edible crops and vegetables, creativity and innovativeness, resourcefulness, ug documentation.

Ang Taytay Eskaya Tribe Farmers Association sa Lungsod sa Duero maoy first place sa Bohol, gisundan sa Barangay Bayong sa Lungsod sa Guindulman nga second place, ug Barangay Tambongan Integrated Community Food Production sa Lungsod sa Candijay maoy third place.

Sa Sugbo, ang Barangay Poblacion sa Lungsod sa Samboan maoy nikuha sa unang dapit ug gisundan sa Barangay Pajo sa Lapu-Lapu City ug Barangay Kawit sa Lungsod sa Medellin.

Ang Gulayan ng Pantawid Pamilya sa Purok Daro, Barangay Nagboalao sa lungsod sa Basay maoy nikuha sa unang dapit sa Negros Oriental, samtang ang Canggabok Farmers Association sa lungsod sa Santa Calina ug Barangay Guba sa lungsod sa Vallehermoso.

Sa Siquijor, ang Cantabon Sustainable Livelihood Association sa Lungsod sa Siquijor nikuha sa unang dapit, gisundan sa Barangay Timbaon sa Lungsod sa San Juan ug Barangay Cabal-asan sa Lungsod sa Maria sa second ug third place.

Ang nag-unang tulo ka mananaug sa matag lalawigan nakadawat og ganting salapi ug incentives sama sa distribution sa seedlings ug technical assistance gikan sa partner stakeholders.

Usa ka kini ka pamaagi sa pagdasig sa food access ug food security atol sa pandemiya.

Ang Gulayan sa Barangay gitumong sa pagdasig sa 4Ps beneficiaries sa pag-ugmad sa kaugalingong garden, promote health, nutrition,ug food security sa komunidad. (PR)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph