Gaballo naghinamhinam moaway sa Filipino Flash

GIKLARO ni World Boxing Council (WBC) interim bantamweight champion Filipino Reymart Gaballo nga dili siya magpadaplin aron paghatag og agianan sa makasaysayong All-Filipino world unification bout tali nila ni Nonito Donaire ug Johnriel Casimero.

Si Gaballo, kinsa adunay makapaukyab nga 24-0, 20KOs nga rekord, gitudlo ning bag-uhay lang isip mandatory challenger ni Donaire, kinsa maoy naggunit sa WBC bantamweight title.

Nasayod si Gaballo nga giplanuhan na ang panagharong nila ni Donaire ug Casimero, kinsa maoy tag-iya sa World Boxing Organization (WBO) bantamweight crown.

Apan alang ni Gaballo, mas maayo kon siya ang unang makigharong batok sa gitawag og Filipino Flash.

Gipasabot sa 25 anyos nga si Gaballo nga pangandoy niyang makigharong kang Donaire, kinsa iyang gi-idolo sukad pa kaniadto.

Hinuon, gitataw ni Gaballo nga nag-agad ra siya kon unsa’y desisyons nagdumala sa iyang boxing career. (ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph