SUPERBALITA CEBU

Super Suroy: Bukid nga adunay kalingawan

KON kaniadto gilibutang ang atong kabukiran sa mga dagkong puno-an sa kahoy, mga mananap nga nabuhi sa kina-iyahan ilabi na ang mga kalanggaman ug masinate sab ang bugnaw ug preskong hangin dungan sa nindot nga talan-awon sa lugar.

Apan adunay dapit sa Barangay Buluang, Lungsod sa Compostela, Lalawigan sa Sugbo nga gawas sa natural nga kaanyag sa kina-iyahan ang gidugangan aron nga mapanindot pa ang dapit nga haom niadtong nangita og nature adventure ingon man maka-relax sa ilang pagpalayo sa kasaba ug kasamok sa siyudad.

MOUNTAIN RESORT

Sa maong dapit nahimutang ang Paradise Hills Mountain Resort (PHMR).

Ang PHMR adunay main amenities nga sigurado matagbaw ang hamtong ug mga bata mao ang ilang lapad nga swimming pool.

Mangangha mo sa 400 square meters nga swimming pool alang sa mga hamtong ug adunay lina-in nga pool nga gitagana sa kabataan nga adunay gilapdon nga 200 square meters para sa kabataan.

Ang maong area gipatung-an sa nagbugdo nga kabukiran nga nahimutang 27 kilometros kon manukad sa Dakbayan sa Sugbo.

Gawas niini, makapahuway ang mga manuroy sa ilang cottages nga 40 ka structures nga haom sa pagpahigayon og selebrasyon sama sa; birthdays, bunyag, team building, pre-nuptial photo shoot , wedding reception ug ubang matang sa kalihukan sanglit lapad ang lugar sa maong resort.

FEES, RATE UG PROMOS

Si Alfie Pitogo, caretaker sa maong pasilidad mipahibawo sa ilang very affordable nga bayranan.

Entrance fees: P100 alang sa mga dagko samtang P50 niadtong na mga bata ug sa maong kantidad siguradong matagbaw nga dili maghilak ang bulsa.

Ang management dili maningil og corkage fees alang sa mga pagkaon nga dad-on ug libre sab ang parking alang sa mga guest.

Aniay good news, gipatuman usab sa management ang 20 porsento nga diskuwento alang sa mga senior citizens, persons with disabilities.

Aduna silay promo hangtod sa buwan sa Nobyembre, 2021 diin ang mag-birthday ilang librehon sa entrance fee ug 50 porsento nga bayranan sa cottage.

Matod ni Pitogo nga kadtong guest nga katulo na nakapahimulos sa ilang facility, libre na kini sa ilang ika-upat nga pagbalik ug padayon ang ilang promo nga 10+1 nga nagpasabot nga kon adunay 10 ka guests, libre sa entrance ang ika-11. Unsa pay inyong gipangita?

Dugang pa sa maong caretaker nga sa dihang gibuksan ang PHMR niadtong tuig 2018, gidagsa sa daghang lokal ug langyaw nga turista gumikan sa iyang talagsaon nga katahom hangtod nga ni-abot ang pandemya niadtong tuig Marso 2020.

HEALTH PROTOCOL

Gumikan sa mga quarantine restrictions nga gipatuman sa gobyerno, namingaw ang ilang resort ug gani adunay mga buwan sa sirado kini apan aduna gihapoy mga tawo nga nag-mintinar ug padayon nga gi-sweldohan sa management.

Dihang nilu-ag ang quarantine restrictions, mi-abli sila og sa hinayhinay aduna nay mga turista ug niining bag-o nibalik na usab kini og kahumot sa mga tawo gumikan sa mga development nga ilang gihimo para mohaom sa katawhan apan gipabilin ang imahe nga ma-abi-abihon sa mga turista pinaagi sa ubos nga presyo sa pagpahimulos sa ilang pasilidad.

UNSAON PAG-ADTO?

Para sa gustong mobisita gikan sa lainlaing lugar, sayon ra kaayo tultolon ang PHMR labi na kon gikan ka habig sa Cebu City.

Inig abot sa Barangay Magay (silingang barangay sa Buluang) nga maoy utlanan paingon sa Danao City, liko paingon sa wala sanglit ang maong karsada lahos ngadto sa barangay Buluang nga nahimutang 1.7 kilometros gikan sa national highway.

Mamahimo sab nga mogamit og directional app sa inyong mobile phones aron nga mas dali ug sayon ang pagpa-ingon sa area.

Tana! Suroyon ta ang Paradise Hills Mountain Resort makalingaw na, gaan pa sa bulsa.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph