Talk to Papa Joe: Kuwangon ang suweldo

Dear Papa Joe,

Tawaga lang ko og Ramil, 30 anyos ang panuigon. Akong problema kay kuwangon ra man gyud akong sweldo sukad ko nisulod og paluwagan. Halos wa na koy maka-on tungod kay kuwang ra gyud akong sweldo unya ako ray ga trabaho. Maluoy tawon ko sa akong mga anak kay di gyud lami ilang gikaon.

Wa sila kabalo nganong lapoy kaayo ko inig uli kay maglakaw ra ko para lang maka save kay tunga sa kilong bugas na na back and forth. Saon nga tindero raman ko. Unsa kahay maayong buhaton? Palihug tambagi ko.

RAMIL

Ramil,


Lisod gyud kon naa pa kay laing bayrunon labi na paluwagan. Kon wa ko masayop dawat dawat na sa ato. Ang paet diha og nag-una ka unya na enjoy na nimo ang nadawat nimo. Unya magsige ka og bayad ‘til mahuman og dawat ang katapusan, o lisud sad uwahi ko unya di na mamayad ang uban.

Siguro mangita ka og part-time nga negusyo. Maninda ka. Naa koy kaila nga motrabaho sa buntag, inig gabii hangtud alas 12 sa tungang maninda og balut, niasenso man. Kugi lang sad gyud. Ayaw kawa sa paglaum. Antos lang sa ta kay daghan ang naigo ron sa krisis tungod sa pandemya. Basta ampo lang kanunay.

PAPA JOE

( sa inyong tampo ipadala lang sa papajoesuperb@gmail.com)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph