SECTIONS
Superbalita Davao
Wednesday, October 20, 2021
SUPERBALITA DAVAO

Novena para kang Mayor Sara gipahigayon

DAVAO. Ang novena sa St. Jude Thaddeus Parish sa Malvar Street, Barangay 7-A, Davao City Huwebes, Septiyembre 23, 2021. (Francis Magbanua/IPM)

GISUGDAN Huwebes, Septiyembre 23, 2021, ang siyam ka adlaw nga Novena nga gipangunahan sa mga supporters ni Davao City Mayor Sara Duterte.

Nangulo niini ang grupong Ituloy ang Pagbabago Movement (IPM) 2022 nga dunay tumong diha sa pagpangaliya sa Labaw’ng Makagagahum alang sa safety sa mga frontliners nga nakigbugno batok Covid-19.

Usa sab sa mga tumong nga ubanan sa kaayohan ug luwas sab ang mag-amahang President Rodrigo Duterte ug Mayor Sara Duterte sa 2022 elections.

Sumala ni Davao City Barangay 5-A Kapitan ug IPM National Vice Chairman Edgar R. Ibuyan Sr. nga nangayo sila karon og pangaliyupo sa Labaw'ng Makagagahum sa butang nga makadesisyon si Presidente Duterte nga ang anak na lang niini ang padaganon sa usa ka taas nga posisyon sa politika sa 2022 elections.

"Sayo pa kaayo, daghan pa og kabag-ohan, mangaliyupo ta sa atong Diyos nga unta ang atong mga gitinguha mahatagan og tubag," tipik sa pahayag ni Kapitan Ibuyan, Sr.

Kahinumdoman nga nauna nang gipamahayag ni Mayor Sara nga di siya mopapili sa taas nga posisyon sa politika kung naa nay Duterte, diin ning bag-o lang iyang giingon nga magpapili siya pag-usab isip inahan sa dakbayan sa Davao.

Luyo niini, ang mga supporters gikan sa Luzon hangtud na sa Mindanao nag-ampo Huwebes sa unang Novena uban sa ilang hunahuna nga anaa si Mayor Sara, ang mosunod nga presidente sa nasud nga kusgan ug dunay kasingkasing.

Sa Davao City, gihimo ang Novena sa St. Jude Thaddeus Parish sa Malvar Street, Barangay 7-A, samtang sa Cebu City, gihimo sa Basilica Minore del Santo Niño de Cebu.

Sa official Facebook page ni Mayor Sara nga Mayor Inday Sara Duterte iyang gipasalamatan ang mga tawo nga nagpaluyo sa Novena.

"Nais ko pong pasalamatan ang mga nasa likod ng nationwide novena na ito. Hindi ko man lahat mabanggit isa-isa ang mga pangalan ninyo, ang mahalaga nasa puso nating lahat ang kalagayan ng mga frontliners. Salamat din po sa walang-sawa niyong suporta," sigon sa post ni Mayor Sara Huwbes sa buntag.

Magpadayon ang siyam ka adlaw nga Novena hangtud Oktubre 1, usa ka semana una ang filing sa Certificate of Candidacy.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph