SI Presidente Rodrigo Duterte nilibkas sa mandatory nga paggamit sa face shield sa outdoor sa Miyerkules, Septiyembre 22, 2021, apan nagpabiling rekisito ang pagsul-ob niini sa mga dapit nga “closed and crowded.”
“Ang limitasyon, ang face shields gamitin mo 3 Cs--closed whatever facility, ospital o basta magkadikit-dikit; crowded, ganoon rin, it’s a crowded room tapos closed lahat, mas delikado; and saka ang close contact, kung magkadikit-dikit ang tao. So diyan applicable pa rin ang face shield,” matod ni Duterte sa iyang Talk to the People Address.
Siya niingon nga iyang gimando ang dinaliang pagluwat sa implementation guidelines” kalabot sa bag-ong polisiya.
Sa Resolution 88 sa Inter-Agency Task Force (IATF) on Emerging Infectious Diseases nga giluwatan sa Disyembre 14, 2021, ang pagsul-ob og face shield gi-require “whenever persons go out of their residences” isip dugang protection batok sa coronavirus disease (Covid-19).
GIHANGOP
Si Cebu City Emergency Operations Center (EOC) deputy chief implementer, Konsehal Joel Garganera nihangop niini.
Apan niawhag siya nga ang tanang mga pampublikong sakyanan kinahanglan mopagamit gihapon og face shield sa tanang mga pasahero.
“What’s more, it’s also cost-effective for everyone. And for us, it’s always been the same as before— wear your masks, observe social distancing, avoid social gatherings and crowds, and wash your hands regularly,” siya nagkanayon. (SunStar Philipines, WBS)