MAGPARIS silang Bise Mayor Michael Rama ug City Councilor Raymond Garcia isip mayor ug bise mayor sa 2022 national ug local elections.
Kini human ilang nasabotan dihang sila gipatawag ni Secretary Michael Dino sa Office of the Presidential Assistant for the Visayas (Opav) aron magkahiusa ang administrasyon sa umaabot nga piniliay.
“The lineup is already complete and there will be candidate for mayor of the administration party. I thanked Secretary Mike Dino for being instrumental in uniting the administration’s party,” padayag ni Garcia.
Sa hulagway nga gi-post sa Facebook page ni Garcia, makita nga giisa ang kamot nilang Garcia, Rama ug Metro Cebu Water District (MCWD) Chairman Joey Daluz III, kinsa gihugonhugon usab nga magpapili sa pagka-mayor sa siyudad.
Si Rama, sa iyang bahin, kinsa nipadayag na sa iyang pagpapili pagkamayor sa Mayo 2022 sa niaging duha ka semana, nihulagway nga nahan-ay ra ang problema sa partido. /(PAC)