Yulo mihagdaw og duha ka mga medal sa Japan gymnastics

MIHAGDAW og duha ka MGA medalya ang Tokyo Olympian nga si Carlos Yulo sa 2021 All Japan Senior and Masters Gymnastics Championships sa Yamagata niadtong Huwebes, Septiyembre 23, 2021.

Kini maoy unang kompetisyon nga gisalmutan ni Yulo human sa Tokyo Olympics.

Ang 21-anyos nga gymnast maoy mipatugbabaw sa floor exercise human kini mitali og 15.30 points dayon milabni sa bronze sa vault sa score nga 15.000.

Ang iyang coach nga si Munehiro Kugimiya mihulagway sa kadaugan ni Yulo nga usa ka pagbangon gikan sa dili maayo niyang performance sa Olympics diin wa gyud kini makakuha og medal.

Si Yulo, ang kasamtangang world champion sa floor exercise, mitapos sa ika-41 sa maong event atol sa Summer Games.

Sa sunod buwan, malisod nga tahas ang sagubangon ni Yulo diin depensaan niya ang iyang world title sa prestihiyusong 2021 World Artistic Gymnastics Championships sa Kitakyushu, Japan. (JBM)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph