Super Busog: Rolled Lechon Belly

Mga sagol

3 ka kilo nga tibuok pork belly, gikuhaan sa mga bukog, mas maayo kon mas lapad og slab nga mahimong I-rolled.

Annatto oil alang sa brushing

Marinade:

2 ka tasa sa pineapple juice

3 ka kutsara sa asin

6 ka lusok sa gipisat nga ahos

Stuffing:

2 ka lusok sa ahos nga gihiwa

2 ka tasa sa sibuyas dahunan, puti ug green nga parte gihiwa

Unsaon pagluto:

1. I-marinate ang pork belly sa pineapple, asin ug ahos sulod sa labing minos tulo ka oras o usa ka gabii. Mahimo sab nimo ning tuslokan aron dunay lungag ug ang marinate makatuhop sa karne.

2. Sa pag-roll sa pork belly, ipadaplin una ang marinating liquid. Ibutang ang pork sa usa ka board, skin-side down. Paghiri sa asin ug pepper. I-arrange ang ahos ug sibuyas dahonan sa ibabaw sa pork. Tarunga og roll ang karne sa grain sa baboy hangtod nga magkaabot ang masigka tumoy. Higti ang joint gamit ang butcher’s string sa regular intervals aron magtapot kini og maayo.

3. I-preheat ang oven sa 250°C/475°F, o mas taas samtang magkadugay.

4. Ibutang ang rolled belly sa oiled roasting tray. Lutoa sulod sa 30 minutos hangtod mo- brown ug mokagumkom ang panit. Unya pahinayi ang temperatura ngadto sa 177°C/350°F ug I-roast alang sa laing duha ka oras. I-brush ang annatto oil matag karon ug unya.

5. Kon ang pork giluto, I-slice kini. I-serve nga dunay suka sa kilid, asin ug pepper pangtempla. / Gikan sa relaxlangmom.com