TALIWALA sa mando ni Presidente Rodrigo Duterte sa pag-imbestigar sa coronavirus disease (Covid-19) tests nga gihimo sa Philippine Red Cross (PRC), ang Department of Health (DOH) nipasalig sa publiko kagahapon, Septiyembre 24, nga makakunayon sa pagsubay sa tanang laboratoryo sa pagmintinar sa kalidad sa bakuna.
Sa virtual press briefing, si Health Undersecretary Maria Rosario Vergeire nagkanayon nga ang regular nga pag-monitor sa tanang accredited Covid-19 laboratories sa Pilipinas.
“We have regular quality assurance. We are checking if there would be inaccuracies and ensure the results of the tests. All laboratories are subjected to quality assurance,” matod ni Vergeire.
“We have not been amiss in the process of quality assurance,” dason niya.
Sa partkiular, si Vergeire nagkanayon nga ang Research Institute for Tropical Medicine (RITM) naghimo og quality check sa Covid-19 laboratories.
“RITM has been asking for submissions to complete the process of quality assurance,” matod ni Vergeire.
Niadtong Lunes, Septiyembre 20, si Duterte nimando sa DOH sa pagsusi sa mga taho nga ang Covid-19 tests sa PRC naghatag og false positive results.
Ang direktiba sa presidente mitumaw taliwala sa nagpadayong “word war” tali ni Duterte ug PRC Chairman Richard Gordon, kinsa nangulo sa Senate probe sa giingong animalosong paggasto sa administrasyon sa Covid-19 pandemic funds.
Ang PRC nibarog bahin sa kalidad sa Covid-19 test results sa ilang 13 molecular laboratories.
Ang Red Cross nagkanayon nga ang 13 molecular laboratories nakakuha og 100 percent score alang sa proficiency tests sa RITM. (HDT, SunStar Philippines)