Donaire moaway karong disyembre

GIPAHIBALO ni World Boxing Council (WBC) bantamweight champion Nonito “Filipino Flash” Donaire nga moaway siya’g balik karong Disyembre, 2021.

Hinuon, wala pa siya’y gibutyag nga pangalan kon kinsa ang gusto niyang sunod nga kontrahon.

Apan labing seguro, naa ra nila ni WBC bantamweight interim champion Filipino Reymart Gaballo, World Boxing Organization (WBO) bantamweight king Filipino Johnriel Casimero ug Japanese Naoya “Monster” Inoue, kinsa maoy tag-iya sa International Boxing Federation (IBF) ug World Boxing Association (WBA) bantamweight titles.

“I am fighting December with whoever steps in the ring,” pamahayag ni Donaire sa iyang social media account.

Ning bag-uhay lang, ang WBC nihatag og kamanduan nga depensaan ni Donaire ang iyang bakus sa usa ka mandatory fight batok kang Gaballo apan wala pa’y kaseguroan kon tumanon kini ni Donaire.

Si Donaire interesado sab nga makig-rematch kang Inoue, kinsa milupig kaniya pinaagi sa unanimous decision sa premiro nilang away nga grabe ang binukbokay.

Taodtaod na sab nga gihagit si Donaire ni Casimero alang sa makasaysayong All-Filipino unification bout.

Sa sayo pa, gikataho nga gisugdan na og hikay ang panagharong nila ni Donaire ug Casimero apan kalit lang nalubog ang tanan gumikan sa isyu sa kontrata.

“After the face-off with Casimero, it was said there are some internal issues in their side that needs to be resolved before they move forward,” pasabot ni Donaire.

“Hopefully, it is resolved amicably.” (ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph