Fuentes dunay 3 ka mga kasong estafa

Si Naser Fuentes nga naa sa sulod sa selda sa Station 3 sa Mandaue City Police Office (MCPO)./ALAN TANGCAWAN
Si Naser Fuentes nga naa sa sulod sa selda sa Station 3 sa Mandaue City Police Office (MCPO)./ALAN TANGCAWAN

Tulo na ka mga higayon nga gipasakaan og mga kaso nga estafa si wedding coordinator Naser Fuentes, sigon sa Mandaue City

Police Office (MCPO).

Ang tanang mga kaso may kalambigitan sa iyang pagka wedding coordinator, matod sa kapulisan.

Matod ni Police Lieutenant t Colonel si Eloveo Marquez, deputy city director for operation, nga adunay mga kaso nga estafa

niadtong 2013 ug 2019.

Gani aduna sab kini kaso sa estafa nga naabswelto na ug pulos nalambigit sa iyang pagka wedding coordinator.

Si Fuentes gitanggong sa Basak Police Station human ang iyang bench warrant nga gipagawas kaniadtong 2017 gisilbi niadtong

Huwebes, Setyembre 23, 2021 tungod sa iyang kaso nga estafa nga gipasaka kaniadtong 2013.

Giasoy ni Marquez nga ang pag-aresto kang Fuentes sa iyang giabangan nga lawak sa Purok Sampaguita, Barangay Casili,

Consolacion niadtong Huwebes, Septiyembre 23, gihimo human nag-viral ang video ni Cherry Pie Purisima-Satingisan nga

naghilak human sa kasal kay way mga pagkaon ang venue sa catering services nga giingong gi-hire ni Fuentes.

Human niini, nakadawat ang MCPO og mga pangutana kalabot sa background ni Fuentes.

Sigon ni Marquez nga naghimo sila og background check ni Fuentes ug ilang nahibaw-an nga aduna siyya bench warrant nga

giluwatan ni Mandaue City Regional Trial Court (RTC) Branch 55 Judge Ferdinand Rafanan niadtong 2017 apan, wa pa nila

makuha ang mga detalye sa kaso.

Bahin sa kaso ni Fuentes sa 2019, si Marquez niingon nga sa ilang nadawat nga impormasyon, adunay usa ka Jonilyn Canoy nga

giingon usab nga gilimbungan ni Fuentes human gikuha ang gibana-banang P8,000 gikan sa money dance ug P12,000 nga kantidad

alang sa inasal nga baboy.

Apan sa interybyu Superbalita Cebu sulod sa iyang selda, si Fuentes niingon nga ang iyang naunang kaso nga estafa

kaniadtong 2013 wala’y kalabotan sa iyang trabaho isip coordinator sa kasal.

May kalambigitan kini sa yuta, kansang papelis iyang gihikay apan wa mahuman.

Sigon ni Fuentes nga pila na siya ka tuig isip wedding coordinator ug daghan na siya og mga kasal nga malampuson.

Gani, gipaambit niya nga ang iyang satisfied clients personal nga nipadala og mensahe niya nganong nahitabo ang giingong

pagpang-scam. / KFD, ALAN T.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph