USA ka kawani sa kontrobersyal nga Pharmally Pharmaceuticals Inc. nisulti sa Senado sa Biyernes, Septiyembre 24, nga siya nagtuo nga ang kagamhanan na “swindled” labina sa pagpamalit sa face shields nga gipanghatag ngadto sa medical frontliners taliwa sa Covid-19 pandemic.
Si Pharmally administrative assistant Krizle Grace Mago nikompirmar sa pamahayag sa usa ka saksi, kinsa kawani sa bodega sa Pharmally, nga iya silang gimandoan sa pagpuli sa product certificate nga gipapilit sa face shields nga i-deliver sa Department of Health (DOH) aron tan-awon nga gigama sa 2021.
Ang saksi, gipresentar ni Sen. Risa Hontiveros sa Senate Blue Ribbon Committee investigation sa pundo sa Covid-19 sa DOH, niingon nga niabot kanila ang face shields ug ang product certificates nagpakita nga gigama niadtong 2020.(SunStar Philippines)