SUPERBALITA CEBU

95% sa Cebu City police force bakunado na

■ PWERSA SA CCPO: Ang 95 porsiyento sa kinatibuk-ang pwersa sa Cebu City Police Office (CCPO) kompleto na sa bakuna batok sa coronavirus disease 2019 (Covid-19). / SunStar File

NIKABAT og 95 porsiyento sa puwersa sa kapulisan sa Siyudad sa Sugbo ang kompleto na sa bakuna batok sa coronavirus disease disease 2019 (Covid-19).

Samtang, 60 ka uniform ug non-uniform personnel ang wala mabakunahi tungod sa gipamati sa ilang lawas ug ang uban kanila mabdo.

Nilapas na ang target sa Cebu City Police Office (CCPO) human nakakuha og 90 porsiyento sa kinatibuk-ang pwersa sa kapulisan sa siyudad ang nabakunahan ug 5 porsiyento na lang ang wala pa mabakuhani.

Si Police Lieutenant Colonel Wilbert Parilla, deputy city director for operation sa CCPO, nagkanayon nga 50 na lang ka mga pulis ang walay bakuna gikan sa 1,062 ka pwersa sa kapulisan sa dakbayan.

Gipasabot ni Parilla nga kadtong mga personnel nga gitakdang moretiro na diin taas ang presyon sa ilang dugo ug adunay comorbidity, dili na sila mabakunahan.

Apan iyang gipasabot nga kadtong gihilantan, giubo ug gisip-on, mahimo ra sila nga mabakunahan kung maayo na sila sa ilang gipamati sa lawas.

“Only 50 ang wala pa ma vaccinated because most of these are pregnant and kadtong dunay comorbidities nga dili sila pwedeng ma-vaccine, wala sila gi allow sa atong doctors nga i-vaccine,” dason ni Parilla.

Gipahibawo usab ni Parilla nga sa pagkakaron wala na silay personnel ang nagpositibo sa Covid-19 human naka-recover na ang tulo ka pulis ug nagnegatibo na sa resulta sa swab test.

Bisan pa man niini, matod niya nga wala gihapon sila mokompiyansa diin estrikto gihapon nila nga gituman ang minimum health standard sulod sa kampo ug sa mga police station libot sa dakbayan.

Matod niya nga kung kadaghan sa mga Sugbuanon na bakunahan na, dako ang kahigayon nga mobalik na sa bag-ong normal ang sitwasyon tungod sa pagkaubos na unya ang kaso sa Covid-19.(AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph