ANAA sa unang alarma ang natigayong sunog sa usa ka tunghaan sa Acacia Jose P. Laurel Avenue, Corner Ramon Magsaysay, Davao City pasado ala una sa hapon, Dominggo, Septiyembre 26, 2021.
Sa report gikan sa Davao City Fire District, ang stockroom nga anaa sa ikatulong andana sa STI College ang nasunog.
Sa kapaspas sa kabomberohan nga miresponde, dali ra sab napalong ang kalayo hinungdan nga wa na kakanit ang sunog.
Sumala ni Bureau of Fire Protection (BFP) Davao City Fire District Investigation Division Chief Senior Fire Officer 4 Ramil E. Gillado dili pa masuta ang hinungdan sa kalayo, apan dili layo nga electrical faulty wiring ang hinungdan.
Kini suma pa ang nag-unang hinungdan sa sunog sa mga establisemento butang nga padayon ang gihimong imbestigasyon sa kabomberohan sa maong sunog.
Wala pa mipagula og opisyal nga pamahayag ang STI College labot sa maong hitabo. (Jeepy P. Compio)