LAING hugna na sab sa mga overseas Filipino workers (OFWs) ang naabot sa Francisco Bangoy International Airport sa Davao City niadtong Biyernes, Septiyembre 24, 2021, subay sa kampanya sa gobyerno sa pagpapauli sa mga OFW nga naipit sa pandemya.
Sakay sa usa ka commercial flight sa Philippine Airlines (PAL), gikan Dubai sa United Arab Emirates (UAE) ang 200 ka mga pasahero diin ang tanan gipaubos sa reverse transcription-polymerase chain reation (RT-PCR) test 24 hangtud 72-hours sa ilang departure paingon sa Davao City.
Sa report sa City Tourism Operation Office sa dakbayan, sa 200 ka mga pasahero nga miabot, 163 niini ang OFW kuyog ang ilang mga dependents, 53 ang seafarers ug siyam ang non-OFWs.
Sigon ni City Tourism Operations Officer ug Airport Health Monitoring Team Head Gene Rose Tecson, 151 sa mga pasahero pulos mga fully vaccinated ug lima ang naka-first dose pa lang.
Pag-abot sa Davao Airport, gihimo ang makuti nga berepikasyon sa mga dokumento ug gilayong silang gihatud sa mga quarantine hotel aron ma-isolate sulod sa 14 ka adlaw dayon i-swab test og utro sa ika-7 ka adlaw.
Ni Tecson nga kung kinsa man ang mga mag-positibo, ibalhin sa laing isolation samtamg dalhon sa ospital ang dunay mga symptoms, diin ang uban tugutan nga makauli sa Oktubre 4.
Kabahin kini sa Repatriation Assistance Program sa administrasyong Duterte. (Jeepy P. Compio)