Usa na lang ka malampusong depensa ug matupngan na ni International Boxing Federation (IBF) super flyweight champion Filipino Jerwin Ancajas ang naabot sa Filipino boxing legend nga si anhing Gabriel Elorde.
Wala pa man tuod opisyal nga petsa apan segurado na nga modepensa na sab si Ancajas sa iyang titulo karong Nobiyembre, 2021.
Kini maoy ika-10 nga sunodsunod nga higayon nga depensaan ni Ancajas ang iyang titulo.
Kon modaog siya niini, hayan iyang matupngan ang nahimo ni Elorde niadtong 1960 hangtod 1967. (ESL)