Mas maayong pamaagi sa pagpadala og remittances sa mga mahal sa kinabuhi gikan sa overseas Filipino workers (OFWs) o ang gitawag nga “mga bag-ong bayani.”
Gitawag nga bag-ong bayani ang mga OFW tungod sa pag-abag sa ekonomiya sa nasod nga padayong nakabarog taliwala sa nangaging krisis sa kalibotan o rehiyon sa Asya.
Dunay gibanabana nga 10 milyunes ka nga Filipino nga nagpuyo ug nagtrabaho sa nagkalainlaing nasod sa kalibotan sama sa seafarers, nurses, caregivers, hotel staff, construction workers, oil field personnel ug daghan pa.
Ang Pilipinas maoy ikaupat nga labing dako nga madawat nga remittances sunod sa India, China ug Mexico.
Ang OFW remittances nahimong 9% nga kabahin sa gross domestic product (GDP) sa Pilipinas.
Apan ning panahon sa pandemiya, ang modernong bayani apektado sa hagit sa panarbaho. Busa, ang maayong pagdumala sa kita o financial literacy gikinahanglan sa pagseguro sa ilang kaugmaon ug pagretiro.
Ang GCash, numero uno nga mobile wallet sa Pilipinas, nipaambit sa iyang kahanas sa responsable nga pagpadala og kuwarta aron dili magpataka og gasto ang nabiling pamilya ug motubo pa kini.
Mao kini ang tanyag sa Globe GoLearn Program. Ang GCash naglatid og serye sa mga pagtuon bahin sa pagdumala sa kuwarta sa OFWs.
“We, at GCash, want to thank you for everything you’ve done for the country and how you contribute to the economy. But beyond these, we recognize how much each of you has sacrificed to provide better lives for your families and how you help them achieve their dreams. To honor the everyday sacrifices that you make, we want to let you know how GCash can make your lives a bit easier in return,” matod ni Martha Sazon, GCash President and CEO, atol sa Alagang GCash webinar uban sa OFWs ug ilang dependents niadtong Septiyembre 10, 2021.
Ang GCash maghagag sa OFWs sa mas sayon nga pagpadala og kuwarta, bayad sa bills, save, secure loans, invest in bonds ug stocks, ug bisan sa pagkuha og health insurance sa usa lang ka platform ug luwas sa ilang panimalay.
Ang inisyatiba suportado ni Senador Joel Villanueva, chairman sa Senate Committee on Labor, Employment, & Human Resources, ug author sa Senate Bill 2234 o ang Department of Migrant Workers andOverseas Filipinos Act.
Dihang kalihim niadto sa Tesda, si Villanueva nilusad sa TESDA Online Program (TOP). Kini nagtanyag sa libre nga online courses sama sa Computer Systems Servicing, Food Processing, Bread and Pastry, Housekeeping, ug ubang mga kurso gikan sa mga sector sama sa automotive, agriculture, entrepreneurship, healthcare, ug uban pa. (PR)