Dear Papa Joe,

Ako diay si Cj, taga Bohol apan naa ko diri sa Cebu nag-work. Ang akong problema about sa akong lovelife kay katong pag-lockdown last year, wala jud ko kauli sa Bohol, mao na to didto na nagsugod ang problema namo sa akong asawa kay tagsa na lang ko makakontak nila kay duha akong work, nag-sideline ko og security guard sa gabii.

Naa siya’y gikailaila sa Facebook. Ang iya unta lingawlingaw lang, apan giiponan siya dayon. Naa mi anak duha ka buok. Karon, nana sila dri sa Cebu atong last May. Karong tuiga nagbuwag daw sila. Unya tungod kay love nako siya, ako siyang gidawat og balik. Ako siya giabangan og boarding house. Gitabangan paglukat og mga requirement aron makatrabaho.

Karon, nakatrabaho na siya sa Lapu-Lapu. Taga didto pod iyang uyab-uyab. Kahibawo ko nga magkita sila. Ako pa ba siyang dawaton og balik? Unsa man akong buhaton?

CJ

Cj,

Murag di mo kasado kay kon kasal pa mo, pasakaan na nimo og kaso nang bayhana.

Kon ako pa nimo, ayaw nalang oi basin makabuhat pa ka og ngil-ad ngadto niya. Sustentu-i nalang nang mga anak nimo. Apan kon kasado, mo ayaw paka martyr oi. Kausa okay pa apan sigehan na, di na maayo. Kasohi na para sa imo ang kustodiya sa mga bata.

Papa Joe

(sa inyong tampo ipadala lang sa papajoesuperb@gmail.com)