Covid-19 sa Cebu City miubos na apan Rama di gustong status usbon

Nipilit sa two-digit ang kaso sa coronavirus disease 2019 (Covid-19) sa dakbayan sa Sugbo. Niadtong Sabado, Septiyembre 25, ang dakbayan nitala og 53 ka mga bag-ong kaso base sa talaan sa Cebu City Emergency Operations Center (EOC).

Ang bag-ong kaso gikan sa kinatibuk-ang 1,255 tests nga gihimo sa maong adlaw, ang uban pulos na negative sa SARS-CoV-2, ang virus nga hinungdan sa Covid-19.

Uban sa bag-ong kaso niadtong Sabado, kini naghatod sa kinatibuk-ang kaso nga 954 nga ubos sa 1,000-mark, samtang ang daily positivity rate naa sa 4.22 percent nga ubos gihapon sa 5 percent nga lebel nga giilang apiki na nga kahimtang base sa World Health Organization (WHO).

Sumala sa Cebu City EOC, ang household transmission maoy nagpabiling nag-unang hinungdan sa kaso sa Covid-19 base sa Septiyembre 26 nga taho.

Samtang, ang total nga 366 gikan sa 556 Covid bed allocation sa 11ka private hospitals, nagpabiling bakante ug 213 lang sa 337 Covid bed allocation sa upat ka public hospitals sa dakbayan hangtod niadtong Septiyembre 25.

Samtang, si Cebu City EOC deputy chief implementer ug Councilor Joel Garganera padayong nag-awhag sa katawhan nga magpabakuna sa walk-in site sa Robinsons Galleria.

Nag-awhag usab siya sa pagparehistro sa Commission on Elections (Comelec) nga dunay satellite registration sa samang mall hangtod sa Septiyembre 30.

“Be part of the change. Be part of the new normal. Parehistro gyud. Pabakuna gyud,” matod ni Garganera, kinsa daan nang niawhag sa katawhan nga dili mokompiyansa taliwala sa bag-ong kalamboan.

Bisan sa nagsige na og ubos ang kaso sa Covid-19, si Cebu City Acting Mayor Michael Rama nisalikway sa posibilidad nga pagpaubos sa status gikan sa general community quarantine (GCQ).

Matod ni Rama, mas maayo na lang ang GCQ kon itande sa mas higpit nga modified enhanced community quarantine (MECQ).

“I do not want to be cited MGCQ. What I am really focusing on is working for people not to lower their guards... We might be run over by complacency...” matod ni Rama sa iyang pasidaan.

“Definitely, GCQ is better than MECQ,” dugang ni Rama.

Samtang, ang Inter Agency Task Force (IATF) wala pay komentaryo sa bag-ong kalamboan sa kaso sa Covid sa dakayan sa Sugbo busa nagpadayon ang pagpatuman sa health protocol ug mga lagda ubos sa GCQ nga status. (WBS, MVE)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph