Napalgan na ang ang lawas ni Kent Jude Monterola, 17, kinsa usa sa tulo nga na-missing human gibanlas sa kalit kaayo nga baha sa Dominggo sa hapon, Septiyembre 26, 2021 sa Tinubdan Falls sa Brgy. Tabili, lungsod sa Catmon, amihanang Sugbo.
Ang lawas ni Monterola nakit-an nga napasok sa us aka imburnal alas 9:58 sa gabii sa Dominggo sa Sitio Kansija, Brgy. Flores, Catmon.
Kini mga 14 ka kilometro gikan sa ilang nabanlasan.
Ning pagsuwat, padayon gipangita ang iyang iyaan nga si Jacel Alastra, 32, minyo, trabahante sa Mactan Economic Zone (MEZ), taga Barangay Kalangahan, lungsod sa Tuburan ug anak niining si Princess, 7. (GPL)