SUPERBALITA CEBU

19 Kapitan sa Bando Codilla mibali ngadto ni Gomez

19 Kapitan sa Bando Codilla mibali ngadto ni Gomez (Hulagway gikan sa City Government of Ormoc)

DUL-AN sa 20 ka mga barangay kapitan sa dakbayan sa Ormoc ang subli nga nipadayag sa ilang suporta sa Ormoc Development Team (ODT) ni Ormoc City Mayor Richard Gomez, Huwebes, Septiyembre 23, 2021.

Ang 19 ka barangay kapitan kaalyado sa oposisyon sa niaging 2019 elections ug kahuman misuporta sa Gomez.

Matod sa mga kapitan, nibalhin ang ilang suporta ngadto sa Gomez tungod kay ilang nakita ang maayong pang gobyerno nga nagdala og daghang proyekto, livelihood programs ug nagdala sa serbisyo sa gobyerno sa mga layo ug suoton nga mga lugar.

Atol sa meeting, ang kapitan sa barangay Luna nga si Norma Lord sa Barangay Luna miangkon nga dugay na siya nga tigpaluyo sa pikas partido apan nagdesisyon nga mosuporta sa ODT tungod sa nakita niya nga maayong pang gobyerno ni Gomez.

"Ako sa una, tinuod nakahibawo mo nga Codilla ko, unya lage kay nakita naman pud nato ang agi ni mayor nga maayo pud pagkadala ang Ormoc" matod ni Lord

Sa miaging 2019 elections, nag 13-0 ang ODT sa Luna bisan pa man og dili kaalyado ang kapitan.

Sa samang higayon, ang kapitan sa barangay Linao nga si Melbur Melgazo nakadesisyon nga mag-neutral sa miaging 2019 elections gumikan kay iyang nakita ang maayong pang gobyerno ni Gomez.

Mahinumdoman nga nagpapili pagka konsehal sa dakbayan si Melgazo kauban ang mga Codilla niadtong 2016 elections pero wa makadaug.

"Sa hinay hinay nga dagan, nakita kung unsa ka sinsero si mayor nga mo-handle sa atong dakbayan" matod Melgazo

Lakip sa nipadayag sa suporta ang kapitan sa barangay Sabang Bao nga si Nicanor Casunggay, ang kapitan nga dili malimtan ni Gomez ug kauban ang ODT.

Si Casunggay ang bugtong kapitan nga bisan og dili kaalyado pero nipagamit sa ilang covered court atol sa pangampanya.

Matod ni Casunggay, ang covered court iya sa publiko ug tanan pwede mogamit niini.

"Full support gyod ko sa ODT uban sa akong konseho" matod ni Casunggay

Lakip sa nipadayag sa suporta ang kapitan sa Barangay Liloan, San Antonio, Mas-in, Tongonan, Green Valley, Milagro, Can-untog, Mahayahay, Alta Vista, Alegria, Airport, Manlilinao, Labrador, Bayog, Guintiguian ug Mabato.

Sa miaging 2016 elections, si Cong. Lucy Torres - Gomez, Mayor Richard Gomez ug ang ODT mitapos sa dugay nang paglingkod sa mga Codilla diin ilang gipildi si Edward "Ondo" Codilla ug pagka 2019 misuway pagbawi sa pwesto si Eric 'Beboy' Codilla apan nangapildi apil ang tibuok niyang line-up.

Niadtong 2019, nakuha sa ODT ang boto nga 77,573 batok sa Codilla nga duna lang 29,795. (JKDP)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph