NAGMALUMPUSON tungod sa ilang pagpaningkamot.
Kini ang istorya sa grupo sa mga mag-uuma sa Barangay Casala, Lungsod sa Siaton, Negros Oriental nga niabli og General Merchandise and Agrivet Supplies Store usa ka tuig na ang nakalabay.
Ang grupo gilangkoban sa 32 ka mga mag-uuma gikan sa dapit nga epektado sa internal nga kasamok.
Bisan walay igong kahibalo, kasinatian ug kahanas, nakahimo sa pag-angkon og negosyo ug milambo kini.
Ang grupo gitawag nga Uswag Casala-an SLP Association.
Niadtong Mayo 16, 2019, sila nakadawat og P300,000 isip SLP-Pamana grant alang sa ilang micro-enterprise project gitawag og General Merchandise and Agrivet Supplies Store.
Ang Sustainable Livelihood Program-Payapa at Masaganang Pamayanan (SLP-Pamana) project naghatag og opurtunidad sa mga molupyo o indibiduwal nga nabalda ang panginabuhi tungod sa kasamok sa ilang dapit o conflict-affected and vulnerable area (Cava).
“Dako kaayo among kalipay pagkadawat namo sa kwarta. Gitinguha ug gipaningkamotan gyud sa tanan nga mouswag ug molambo gyud ang kahimtang sa tananag myembro pina-agi sa livelihood assistance nga gihatag,” matod ni Misael Jaugan, presidente sa Uswag Casala-an SLP association.
“Sa pagsugod gyud og operate sa store, nagkalisod gyud mi sa pagrecord sa transaction ug sa inventory sa stocks, kay puro baya mi farmers. Pero wala gyud ni give-up kay andam usab sa paghatag ug technical assistance ang staff sa SLP-Pamana,” paambit ni Maura K. Gaitera, tresurera sa grupo, nga nakalibog sa sakop sa grupo.
Ang mga sakop sa asosasyon nakahimo sa pagdumala taliwala sa ilang kahuyang ug kusog. Ang kooperasyon ug pagbinabtanay sa matag usa maoy ilang sekreto sa kalamposan.
Ang pagsunod sa by-laws o balaud sa asosasyon naggiya kanula nga maghousa ug motutok sa ilang bisyon o panglantaw.
Ang asosasyon o grupo mokita na og gibanabana nga mokita og P7,000 matag buwan ug dunay P53,373 cash sa banko. Ang asosasyon dunay collectibles nga P48,696.75.
Gawsas sa cash assistance, ang DSWD SLP-Pamana nagbansay kanila sa micro-enterprise development ug simple bookkeeping.
Ang local government unit (LGU) sa Siaton dunay dakong tahas sa ilang kalamposan tungod sa makanunayon nga pagsusi sa grupo ug pag-abag kanila pinaagi sa SLP Project and Development Officer.
Ang LGU ug ang SLP-Pamana work nag-uban sa paghatag og panginahanglan sa asosasyon dili lang sa Barangay Casala-an apan sa ubang kabarangayan.
Karon, ang Uswag Casala-an SLP Association dunay P300,000 total financial assets ug usa ka motorsiklo alang sa paghatod sa ilang mga produkto ug pagpangompra og stocks.
Ang mga miyembro sa asosasyon wala lang molambo ang ilang ekonomikanhong kahimtang, lakip na sa pag-edukar ug kompiyansa sa kaugalingon.
Tungod ang Barangay Casala-an dunay 5 kilometros ang gilay-on gikan sa sentro sa lungsod, ang ilang tindahan dako natabang sa ekonomiya usba sa barangay ug kasilinganang dapit. (PR)