SUPERBALITA CEBU

2 nga missing sa falls sa Catmon napalgan; mama missing pa

UNANG NAPALGAN: Ang lawas ni Kent Jude Monterola unang napalgan sa mga search and retrieval team sa alas 9 pasado sa Dominggo sa gabii, Septiyembre 26, 2021, mga 14 kilometros gikan sa falls. / GIKAN SA CATMON POLICE

Nakit-an na ang duha ka mga biktima nga nangaanod sa baha sa Dominggo sa hapon, Septiyembre 26, 2021 sa Tinubdan Falls, Barangay Tabili, Lungsod sa Catmon, amihanang Sugbo.

Si Kent Jude Monterola, 17, unang napalgang patay sa alas 9:58 sa gabii sa Dominggo sa Sitio Kansija, Brgy. Flores.

Si Patrolman Renmark Bantisil sa Catmon Police Station nga nahinabi sa Superbalita Cebu nagkanayon nga 14 kilometros ang gilay-on sa dapit gikan sa falls.

Ang mga search and retrieval team sa lungsud sa Catmon, Bureau of Fire Protection (BFP) ug ubang volunteers maoy nakakita kang Monterola nga napasok sa imburnal.

Pagka alas 11:30 sa buntag sa Lunes, Septiymbre 27,2021, nakit-an ang lawas ni Princess Alastra, 7, sa Sitio Kulo, Brgy. Duyan, kasikbit sa Brgy. Tabili.

Matod ni Bantisil, nga sayo sa buntag hangto na sa hapon gisuhid sa retrieval teams ang tibuok sapa sa lungsod, ingon man dagat pamasin makit-an ang inahan nga si Jacel Alastra.

Ang mga biktima gikan sa Brgy. Talangahan, Tuburan, nangaligo sa Tinubdan Falls, sa Barangay Tabili Catmon, dihang gibanlas sa baha sa Dominggo sa hapon.

Ang mga naka-survived naglangkob nila ni Jhea Monterola, 2; Niño Monterola, 3; Christian Monterola, 4; Marieyah Monterola, 5; Elgie Monterola, 6; Jobert Monterola, 7; Jeramie Esponcillia, 8; ug Odrie Monterola.

IDILI



Pagkaligo sa tinubdan falls sa lungsod sa Catmon idili una sa kapulisan human sa trahedya nga mikalas og mga kinabuhi.

Ang Cebu Police Provincial Office (CPPO) magbutang og personnel sa dapit aron walay tawo nga maka ligo.

Matod sa hepe sa kapulisan sa probinsya sa Sugbo, Police Colonel Engelbert Soriano, nakig-alayon sa mayor sa lungsod aron irekomendar nga kasamtangan una nga idili ang pagpakaligo sa mga local nga turista sa falls.

Matod niya nga magpabutang na siyag PNP personnel sa dapit aron mabadlong kadtong gusto nga maligo samtang kanunay pa ang pag ulan sa tibuok probinsya sa Sugbo.

Kini aron malikayan nga masubli ang trahedya sa Catmon.

“Yan lang muna talagang i-ano muna natin. The fact na nangyari yun, ibig sabihin may problema sa taas. Walang control yung water flow. Yes we coordinate with the mayor actually, at saka yung tourism na rin natin sa probinsya kung ano ang recommendation nila,” sigun ni Soriano.

Pabutangan usab ni Soriano og mga paskin aron masayod ang publiko nga gustong mosuway pagka ligo nga hugot pa kining idili karong mga panahuna.

Ang Pag-asa una nang mipahibawo nga maka sinati pa og mga pag uwan ang Sugbo tungod sa La Niña.

VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph