SUPERBALITA CEBU

'Killers' sa kapitan sa Asturias nasikop

Nasikop sa Criminal Investigation and Detection Group (CIDG) Mandaue Field Unit, inabagan sa Compostela ug Asturias police ang barangay konsehal ug iyang bata-bata nga mga suspek sa pagpusil patay kang Jionri Noya Aligato, kapitan sa Barangay Kaluangan, Lungsod sa Asturias.

Naangol usab ang iyang ig-agaw nga barangay tanod, apan nabuhi ug maoy niila sa mga suspek.

Laing nakatabang sa kapulisan mao ang motorsiklong hinuwaman sa mga suspek nga nabiyaan.

Ang mga nadakpan giila nga silang Ricardo Bohol, konsehal sa Barangay Kaluangan ug Richard Gonzaga sa sitio Colo sa maong barangay. Nadakpan sila niadtong Septiyembre 24, 2021 sa Barangay Kaluangan.

Sila maoy gitumbok nga ning-atang nila ni Jionri ug Emedio Aligato samtang sakay sa ilang motorsiklo sa Barangay Tag-ubi, Lungsod sa Compostela, niadtong Septiyembre 16, 2021 sa ala una sa hapon.

Si Kapitan Aligato namatay diha-diha dayon human makaangkon og mga samad dughan ug paa samtang si Emedio naigo sa tiyan apan naluwas sa tino nga kamatayon.

Matod ni Police Colonel Ireneo Dalogdog, hepe sa CIDG 7, nigawas ang ngalan ni Bohol human nga ilang nasubay kinsa ang tag-iya sa motorsiklo nga nahabilin sa crime scene nga si Samuel Batucan Yungco, taga Barangay Babag 1, Siyudad sa Sugbo.

Gipaubos nila sa imbestigasyon si Yungco ug nitug-an kini nga gihaylo siya ni Bohol nga ilang patyon ang kapitan sa Barangay Kaluangan bugti sa P10,000. Apan mibalibad, matod pa si Yungco, sa tanyag ug iya na lang gipahuwaman sa iyang motorsiklo nga maoy gigamit sa krimen.

“Si Mr. Yungco kaibigan ito ni Ricardo Bohol yung suspect. At mismo siya nagsasabi na siya ay inu-offeran ng P10,000 para sasama siya doon sa pag patay kay barangay captain. But he refused. So, ang nagyari hiniram nalang ang kanyang motor, at doon nalang nya nalaman na ini-inform siya na ang motorcycle ay siya ang nag mamay-ari,” matod ni Dalogdog.

Positibo usab silang giila ni Emedio nga niasoy nga niadtong tungura nga samtang nagsakay silag motorsiklo aron mopauli na sa ilang barangay, gibabagan sila ni Gonzaga ug dayong bunal-bunal og kahoy kang Jiunry.

Samtang si Bohol nga nag tindog duol sa motorsiklo nga iyang gihulman mikuha sa iyang armas ug dayong pusil sa kapitan ug tanod.

Tungod kay adunay mga motorista nga nangagi, natarantar si Bohol ug didto naka sakay sa motorsiklo nga gimaneho ni Gonzaga samtang ang iyang gihulman nga motorsikloa ni Yungco iyang nabiyaan.

Personal ang motibo sa krimen human nga si Bohol nagdumot sa kapitan human gidakop sa Department of Environment and Natural Resources 7 ang multicab nga nag karga og mga uling diin si Jiunry ang gipasanginlan.

Siya usab ang gitumbok nga responsable sa pagpatay sa baka sa kapitan sa milabayng mga buwan sa ilang barangay nga giangkon usab sa suspek.

Gipasaka na sa CIDG7 ngadto sa Provincial Prosecutors Office ang kasong murder ug frustrated murder batok sa mga dinakpan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!