“Serbisyong hindi nag-dalawang isip”
Ang testemoniya ni Kim Ho
Atol sa grabeng pagdaghan sa mga kaso sa Covid-19 sa Hulyo 2021, daghan sa mga ospital ang nagsugwak ug daghan sa mga pasyente nga gi-Covid napugos nga mapakaayo na lang sa balay. Aron pagtabang ning mao nga mga tawo nga mahatagan sa tambal nga ilang gikinahanglan, ang Hi-Precision Diagnostics nibukas sa iyang Mobile X ray home service alang sa ilang kasayon ug kaluwasan sulod sa ilang mga balay. Usa ning mao nga mga pasyente nga among natabangan mao ang inahan ug lumolupyo sa Dakbayan sa Sugbo nga si Kim Ho kinsang tibuok pamilya natakbuyan sa Covid-19. “Katapusang semana sa Hulyo, akong Daddy ug Mommy nakasinati og mga sintomas sa Covid. Nisunod mi sa akong duha ka mga igsuon nga babaye, nag-positibo mi kay kami man sab maoy nag-atiman nila, “ pagpasabot niya. “Busa, upat mi sa balay, Covid positive, ug nakahibawo man mi nga nagkinahanglan mi og X ray kay senior sila si Mommy. Gusto ming mahibawo kon unsa ni ka grabe, kay target sa Covid ang baga.”[a] Importante kini nga pamaagi aron magiyahan ang doktor unsaon sa pagtambal ang kagaw, kay ang Chest X-ray makatabang kanila sa pagsusi sa mga timaaan sa pneumonia o paghubag sa mga baga.
“Nakahibawo mi nga gikinahanglan kaayo namo nga ma X-ray han, apan ang problema kay si Mommy naggamit na og oxygen ug hasol nang moadto sa klinika unya magbitbit pa gyud og oxygen tank. Busa akong gitawgan ang hotline, pagkahuman nangutana ko kon kanus-a makagamit mi sa X-ray home service. Ila dayon nga na set-up pagkasunod adlaw. Nga alang namo, maora ba og shocking, tungod sa kadaghan sa gustong mopahimus sa X ray. Apan naa dayon ang home service nga alang namo sa pagkasunod adlaw busa mapasalamat kaayo mi kay wa na namo kinahanglanang maghuwat og dugay.”