ANG Barangay Bakilid sa Dakbayan sa Mandaue gideklara na nga drug-cleared barangay human sa deliberasyon sa Regional Oversight Committee on Barangay Drug Clearing sa Philippine Drug Enforcement Agency (PDEA) Central Visayas.
Matud ni Bakilid Barangay Kapitan Roy Lumapas nga ang higpit nga pagbantay sa mga tawo nga mosulod gawas sa ilang lugar maoy epektibo nga paagi pagwagtang sa mga illegal nga kalihukan.
Dugang ni Lumapas nga higpit usab ang ilang monitoring sa mga drug surrenderee o drug warriors sa barangay aron hingpit nagyud nga biyaan ang dautan nga bisyo.
Gihimo sa Barangay Bakilid ang kanunay nga pagpahigayon og drug test sa mga drug surrenderee aron pagsiguro nga wala nagyud kini mibalik sa paggamit og ginadiling drugas.
Gikalipay ni Mandaue City Mayor Jonas Cortes ang maong balita.
"Bisan pa man og highly-urbanized city ang Mandaue ug adunay daghang tawo, apan nagmadaugon kita sa pakigbatok sa ginadiling drugas. Apan sinugdanan pa lang kini. Barangay Bakilid today, Mandaue City, tomorrow," sigon ni Cortes.
Ang kagamhanan sa Dakbayan sa Mandaue hugot nga nisuporta sa kapulisan ug kabarangayan aron batukan ang illegal nga drugas. (PR)