Sugod karong adlawa, Septiyembre 29, 2021, bag-o na ang hepe sa kapulisan sa Central Visayas human moretiro na sa katungdanan si Police Brigadier General Ronnie Montejo sa edad nga 56.
Ang mohulip kaniya mao ang kanhi deputy Comptroller sa Camp Crame nga si Police Brigadier General Roque Eduardo Dela Peña Vega.
Graduwado sa Philippine Military Academy (PMA) class of 1991 si Vega. Nadestino na siya sa nagkalain-laing unit sa kapulisan lukop nasud.
Samtang gipasigarbo usab ni Montejo ang iyang nahimo sa dihang siya milingkod isip hepe sa kapulisan sa Central Visayas sulod sa 10 ka buwan.
Nilingkod si Montejo niadtong Decembre 1, 2020 diin iyang napadayon ang anti criminality campaign nga gisugdan ni Police Major General Albert Ignatius Ferro nga karon mao na ang director sa Criminal Investigation and Detection Group (CIDG).
NABUHAT NI MONTEJO
Nakasakmit ang kapulisan ubos sa pamunoan ni Montejo og 75,756.80 gramos sa gituohang shabu nga mokantidad ang tanan og P515,146,240; 6,889 ka drug personalities ang nadakpan sa 5,279 ka operations ug 20 ang napatay.
Nakakuha usab silag 388,807.05 grams nga marijuana nga adunay balor nga P46,656,846.
Nakasakmit usab silag 20,878 ka ampules sa nubain nga mokantidad og P5,219,500.
Malampuson usab sila sa ilang kampanya sa illegal nga sugal diin naka lusad silag 4,745 ka operations nga mi resulta sa pagkasikop sa 11,345 ka mga suspetsadong sugarol.
Nakasakmit usab sila og P1,385,187.95 gikan sa nagkalain-laing matang sa illegal gambling.
Gipasigarbo usab ni Montejo ang nakuha nila nga loose firearms nga moabot og 4,926 nga ilang nasakmit gikan sa mga criminal nga posibling magamit sa nagsingabot nga eleksyon sa 2,169 ka operations diin nakadakop sila og 814 ka personalidad ug 18 ang nangamatay sa police operations.
Nakasikop usab silag 7,060 ka most wanted persons ug 5,805 ka warrant of arrests ang ilang na served.
Gawas sa mga anti criminality operation, nagmalampuson usab sila sa ilang National Task Force-End Local Communist Armed Conflict pinaagi sa paghatag og livelihood program sa mga dapit nga apektado sa pandemic.
Mi total sila og siyam ka relief operations nga nahimo sama sa Tuburan, Catmon, Compostela, Sogod, Carmen, Sta. Catalina ug pipila ka munisipyo sa mga probinsya sa Bohol, Siquijor, Cebu ug Negros Oriental.
Livestock ug essential goods ang nahatag sa mga pamilya nga gibana-bana nga moabot ngadto sa P4,364,743..
"There is so much to be done in Central Visayas. As I lay down my badge after nearly 34 years, 4 months and 28 days of service to the community and head off to my next endeavor to be with my family. The highlights to me are the work that PRO 7 does in the community and the relationships we built with them. To me, that has been very rewarding", sigun ni Montejo.
Iyang gidugang nga ang PRO-7 magpadayon sa mga programa alang sa komunidad aron matabangan nga mokunhod ang krimen sa Central Visayas. (AYB)