Garbage collector giposasan

Hulagway gikan sa Davao City Police Office
Hulagway gikan sa Davao City Police Office

BALHOG sa prisohan ang usa ka garbage collector human nasikop sa kapulisan kay naninda’g shabu alas 12 sa tungang gabii niadtong Lunes didto sa del Pilar Street, Barangay Agdao Proper, Davao City.

Giila sa Mandug Police Station ang suspek nga usa ka alyas Kosa, 32-anyos, ug residente sa Purok Sta. Cruz, Barangay Leon Garcia, Agdao District ning siyudad.

Ang suspek nakig-transak sa Mandug police kay mobaligya og shabu ug dihang gitunol na ang shabu dali siyang giposasan sa mga pulis.

Nakuha sa iyang posisyon ang gituohang shabu nga dunay gibug-aton nga .3500 gramos nga mokantidad sa P4,500.

Sumala sa Mandug police nga ila kining gikonsidera nga Street Level Target sanglit anaa sa lokal nga kagamhanan nag-trabaho ang suspek isip garbage collector sa City Environment and Natural Resources.

Kasong pagsupak sa Section 5 ug 11 sa Republic Act 9165 ang atubangon nga kaso sa suspek didto sa korte. (Jeepy P. Compio)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph